හෙන්රි සුග(ර්)ගේ අරුම පුදුම කතාව සහ වෙනත් කතා

පරිවර්තනය – කත්‍යානා අමරසිංහ

ස්ටෙලා කියන්නෙ වංශවත් පවුලක ඉපදුණු ගෑනු ළමයෙක්. එයාගෙ අම්මයි තාත්තයි දෙන්නම නෑ. එයාට හිටියේ හරිම නපුරු ම නපුරු නැන්දා කෙනෙක්. එයා කොයිතරම් දුෂ්ට ද නපුරු ද කියලා ඔයාලට හිතා ගන්න වත් බෑ. ඇත්තටම එයා රකුසු නැන්දා කෙනෙක්.

ඉතින් මේ කතාවෙ තියෙන්නෙ ස්ටෙලාගෙයි ඒ රකුසු නැන්දගෙයි කතාව. කුතුහලයෙන් පිරුණු හරිම ත්‍රාසජනක සිද්ධිවලින් සමන්විත මේ කතාව කියෙව්වම ඔයාලට තේරෙයි ස්ටෙලා කොයි තරම් නිර්භීත ගෑනු ළමයෙක් ද කියලා.

පරිවර්තනය – උපාලි උබයසේකර

තමන් ජීවත් වෙන්නෙ මොන අවුරුද්දෙ ද, කතා කරන්නෙ කා එක්ක ද කියලත් අමතක වන සීයා, දෙවෙනි ලෝක යුද්ධය කාලෙ හිතින් ජීවත් වෙමින් එයාගෙ මුණුබුරා ජැක්ට තමන් කරපු ගුවන් ප්‍රහාර ගැන වීර කතා කියනවා. ඒත් සමහර වෙලාවට එයාට ජැක්ගෙ නමත් මතක නැහැ. සීයා හිටි ගමන් කරන්නෙ පුදුම වැඩ. සුපිරි වෙළඳ සංකීර්ණයේ බඩු ගෙනයන කරත්තයකට පැනලා පිටි පැකට්වලින් බෝම්බ දාන්න ගිහින් සීයාට ජීවිතේටම ඒකට එන්න තහනම් වෙනවා. දුෂ්ට පාලිකාවක් ඉන්න මහලු නිවාසයක හිරවෙන්න සිද්ද වුණා ම ජැක් තමන්ගෙ ආදරණීය සීයාව එතනින් බේරාගෙන පැනලා යනවා විතරක් නෙවෙයි රාජකීය යුද කෞතුකාගාරයෙන් ස්පිට්ෆයර් ගුවන්යානයක් හොරෙන් අරන් දෙන්නා එක්ක ඒක පදවාගෙන යනවා.

වයසට යනකොට හැදෙන අමතකවීමේ රෝගය ගැනත් මරණය පිළිබඳවත් ළමයින්ට කියා දෙන අතරම සීයා කෙනෙක් සහ මුණුබුරෙක් අතර ඇති ආදරය ගැන මේ තරම් හිත උණු කරන කතාවක් ඔබ මේ වනතුරු කියවා නැති බවට සහතිකයි.